tg-me.com/gdsjnvd/14253
Last Update:
قصيده لمولانه الحسين عليه السلام لسان حال السيده العليله ع السلام وزن هجري~
راشده النيه يبويه وين ناوي ابهل سفر
خافن اطول الغيبه وكلبي ما يحمل قهر
روحي متروسه علل
شويه ريضو يالأهل
خلي اشبع شوف منكم
لا يفركنه الدهر
༄💔 ★═━━▒ ━═★
••••••••••••••
خلي اشبع شوف منكم ريضو بويه بالرحيل
خاف دنيانه تخون وينفجع مني الدليل
وبعد ما اشوفك ياوالي وتضل دمعاتي تسيل
وروحي تگضي يبو الأكبر
وما توديلي الكفيل
فراك بويه موسهل
شويه ريضو يالأهل
افراك دوم ويه الحبايب
بويه ماهوه شهر
ام ✍🏻زين العابدين لمحمداويه
༄💔 ★═━━▒ ━═★༄
••••••••••••••
الضعن لو مشه وغرب يعمي عيني وما اشوف
تروح روحي ويه ضعنكم
يالي رايح للطفوف
كلبي ضل ينعه ابسكته
يكلي رايح للحتوف
ومايرد عبدالله خيج وچن اشوف انه السيوف
ما يرد لينه الكفل
شويه ريضو يالأهل
ابروحتك يانبض گلبي راح وياك النضر
ام ✍🏻رحمه الگاظميه
༄💔 ★═━━▒ ━═★༄
••••••••••••••
بعد وين الکه حنانك بويه عني من متروح
خاف ماترجع عليه وتكثر بكلبي الجروح
، وحدي عفتوني بجراحي
حروحي حست بالنزوح
محد ايعاود عليه وللهجر ماعندي روح
حيلي من عندي نزل
اشويه ريضو يالاهل
عيني تتنطر تجوني والجرح. بيه كبر
خادمة اهل البيت ام ابراهيم الحلفي
༄💔 ★═━━▒ ━═★༄
•••••••••••
بوية روحي انه عليله. وكلبي يتكطع وصل
من اشوف محمل انتة. بروحي جا كلي شيظل
يانفس بالروح انته. شلون طولك لو رحل
استمع نشغات روحي. بعدك نترسة علل
دمعي من دم نزل
شويه ريضو يالأهل
ولجدم بالكوه اجره. ولكلب بويه انكسر
✍️الشاعره مريم اسيرة الاحزان 💔
༄💔 ★═━━▒ ━═★༄
••••••••••••••★═━
خذوني وياكم ببويه روحي ماتحمل عذاب
شلون اضل بالدار وحدي ونطر ابعتبة الباب
لو خذت مني الغوالي ماتضل عندي احباب
وانه ابحيره وانطرك رايده منك جواب
بويه نطيني امل
شويه ريضو يا لاهل
لورحت يبويه عني خاف يوافيك القدر
ام ✍️اسامه الحلفي
༄💔 ★═━━▒ ━═★༄
••••••••••••••
بويه تانيني اشمك يلي مثلك مايصح
يعمي اعيوني افراكك امساهر الحد الصبح
وگلبي اعليكم امؤجر ياهضم بيه اوجرح
والدي رادته ينصر دين لاسلام السمح
طفله ماتحمل زعل
اشويه ريضو يالاهل
ابجي وهل المدامع على اخيي والكمر
✍ام مرتضى الخزرجي
༄💔 ★═━━▒ ━═★༄
••••••••••••••
ناوي بويه اعله السفر خذني ويه العيله
تدري تعبني المرض وروحي بويه نحيله
وحدي بالدار وعفتني. حملي. ياهو ايشيله
ادري يالغالي بوجودك. تحل اصعب ميله
وداعنه خله بمهل
شويه ريضو يالاهل
گلبي من الساعه بويه عليك احسن بالخطر
✍️ ام محمد الساري
༄💔 ★═━━▒ ━═★༄
••••••••••••••
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها
خادمة الزهراء الشاعره أم محمد الساري
اظهر سيدي طال انتظارك
https://www.tg-me.com/us/خادمة الزهراء الشاعره أم محمد الساري/com.gdsjnvd
BY خادمة الزهراء الشاعره أم محمد الساري
Share with your friend now:
tg-me.com/gdsjnvd/14253